Sunday, November 3, 2013

18) نــــوفـــمــبــر


نـوفـــــمــــــبر 

في يوم الجمعة ومع صوت المساجد يعلو بأذان الظهر وبعد صلاة الجمعة .. بلطف تخبره الخالة " تتربى في عزك " الإبنة الثالثة للرجل الريفي الذي يتمنى الولد .. 
كانت ولادتي سهلة بسيطة لم تعانى أمي فيها كما قالت وسمعت الأذان والإقامة من جميع المساجد المحيطة حيث لم يكن ينتبه الناس لتلك السنة النبوية وقتها ..

وتمر السنون متتالية ومازال نوفمبر جميلا كما أعهده بجوه اللطيف .. ولكن هذا العام له شكل مختلف تماما .. أراه بشكل حزين نوعاً ما . راجعت ما كتبت منذ سنوات :) ووجدت أني أعيد الحكي كشريط سينما قديم كان فيما مضى فيلم جميل ولكن من كثرة تكراره لم يعد هناك من يشاهده .. 


يتصادف أن عيد ميلادي يوم عيد الحب الخاص بمصطفى أمين .. أيام الجامعة كانت تغرق في الدباديب والورود وكنت أجلس مع صديقة يوافق مولدها الخامس من نوفمبر وانا الرابع منه على الرصيف ولا وردة ولا دبدوب يهوب ناحيتنا :) وعندما ذكرت ذلك لجارتنا الحبيبة والسيدة الفاضلة منذ ذاك الوقت تتطوع بإحضار الزهور لي يوم عيد الحب :) ... من الطريف بعد اضمحلال ذكرى عيد الحب العربي وسيطرة الأجنبي عليه في فبراير أصبحت أتلقى التهاني مرتين بالسنة :) .

أجمل عيد ميلاد كان في تالتة جامعة .. لا لا لا لم أتلق ورود الحب أبداً حتى الآن ولكني تلقيت كم رائع من الهدايا كان على صديقتي أن ترافقني لحملها للمنزل ..

أجمل مكالمة تليفون من ابنة خالتي دينا حيث كان أولاد خالاتي يتبارون من سيتصل على الهاتف أولا وكانت الساعة 12 وثانية واحدة يوم 4-11 :) .. أفضل مكالمة جاءتني من مهندس بالشركة التي كنت أعمل بها واتصل بي من خارج مصر ليقول لي : كل سنة وانت طيبة وأرسل لي فاكس كمان وزملائي من فرع القاهرة رسمولي تورته وبعتوها فاكس :) .

ليه هههههه لأني كان معايا قائمة بالعاملين بالشركة وتواريخ ميلادهم وكنت انوه عن عيد ميلاد اي شخص او اي مناسبة لأي منهم ليهنئه الآخرون .. عشان كده لما سألت الباشمهندس ليه اتصلت قالي يعني انت قارفاني فلان اتجوز فلان خلف فلان عيد ميلاده .. على الأقل كلنا نقولك كل سنة وانت طيبة .. عايزة اقولكم إن الشركة المنافسة الاولى لينا اتعلموا يعملوا زيي كنت ببعتلهم معايدات في العيد على الفاكس فعاملونا بالمثل وعلى حد علمي مازال التقليد متبع بعد رحيلي عن الشركة ب 10 سنوات . :) بحس اني عملت حاجة كويسة .

أجمل الهدايا من أختي الوسطى دايما بتختار حاجات انا عايزاها وبالظبط وبصراحة احيانا بتجيبلي أكتر من حاجة كمان ابنها دلوقتي بيجيبلي وكل هداياهم جميلة منساش انها جابتلي اباجورة عشان القراية بليل في السرير ... كمان جارتنا بجد بتجيبلي حاجات جميلة جدا وذوقها حلو قوي ومهما عملت مش حوفيها حقها .. 

أحلى تجمع تدويني كان في شهر نوفمبر في راس البر كان يوم أكثر من رائع والصحبة فيه كانت مثالية .. 

زعلانة ليه ؟

عشان السنين مرت وبرضه ورود الحب لم تنبت لي ولم تزهر 
عشان الناس اللي ذكرتهم غيرتهم الأيام وبعضهم انشغل وبعدت بينا المسافات 
عشان انا عايزة حياتي تتقدم وتتغير مش بعد 6 سنين ألاقي نفس الكلام بكتبه 

ولو إن نوفمبر حيفضل حبيبي نوفمبر 


10 comments:

  1. ميلادك فى الخريف ... والخريف دايما تقع فيه حاجات كتير زى ما بيقع وق الشجر ، وزى ما ممكن نشوف ده داعى للإحباط ممكن نشوفه داعى أكبر للأمل ... مافيش حاجة بتفضل على حالها ..وورق الشجر هيخضر تانى فوق الشجر والورد هيزهر والخريف نفسه هيرجع ويتكرر
    الخلاصة ...الربيع كمان بيرجع كل 3 مواسم ؛ متعرفيش اى ربيع هيزهر فيه الورد اللى هتحبيه .
    ..
    باتمنالك حياة كلها حب مش يوم واحد ولا اتنين فى السنة
    ..
    كل سنة وانتِ طيبة

    ReplyDelete
    Replies
    1. :) عودا احمد ومحمد
      زمان كنت بشوفه ربيع الدنيا ربيع دلوقتي خريف العمر :) حتى لو كان في شهر 3 ..
      شكرا لوجودك ولأمنيتك كمان ويارب انت كمان حياتك تبقى سعيدة كل يوم وكل دقيقة فيها
      وانت طيبة وبخير يا نسرين

      Delete
  2. يمكن ورود الحب أتأخرت عنك بس صدقيني الأحلى منها ورود الصداقة والصحبة الحلوة والأهل ولمتهم صدقيني ورود الحب جميلة بس بتذبل بسرعة يمكن ربنا مش عايزك تتألمي وتتعلقي بحلم جميل ممكن يتحول لكابوس في يوم من الأيام
    كل سنة وانتي طيبة وكل نوفمبر وأنتي أطيب قلب في الدنيا وبخير يارب وسعادة وقرب من الله
    تحياتي :)

    ReplyDelete
    Replies
    1. والله يا أستاذة فاطمة برضه الصداقات بتتغير والأهل بتبعد تماما وبيتبقى الوحدة وبس وكل واحد بيبقى يدوبك عنده وقت لبيته وولاده وحتى التليفون مبيتصلوش خلاص :)
      وشكرا على كلماتك وانت طيبة وبخير

      Delete
  3. فكرتينى باللي بكتبه في الاجنده كل فترة اقرا اللي فات اقول يالهوى هوالكلام مش بيتغير ليه

    والمود واقف علي رتم واحد ليه

    لكن

    مش يمنع اننا نسرق لحظات الفرحة

    كل سنة وانتى طيبة يامولودة نوفمبر

    ReplyDelete
    Replies
    1. ههههههههه انا عندي أجندة برضه كل ما أأقرى اللي فيها أذهل إني كلامي هو هو مبيتغيرش ولا حياتي بتتغير لا للأحسن ولا للأسوأ حتى زي البيت الوقف
      مفيش لحظات فرح لو فيه كنت سرقتها حتى لو حروح النار بس صدقيني مفيش
      وانت طيبة وبخير يارب

      Delete
  4. الله
    التدوينة حلوة اووي بشكل مش ممكن بجد
    تعرفي انا لسة الفيس بيفكرني ان عيد ميلادك بكرة
    يا بنتي انت عيد ميلادك مع العيد الحب المصري وكمان العيد القومي لمحافظتنا ههه من حقك تفرحي
    الحب وورووود الحب
    كل سنة ف عيد ميلادي بتمني حاجة ومحدش بيجبهالي
    حتي الي حبيته يوم عيد ميلادي مجابش الهدية دي
    هي هدية طفولية جدااا
    بس تعرفي ان حد يعرفك اووي ويحس بالي انت بتحبيه ويجيبه هو ده الاحساس
    تعرفي كمان
    وروود الحب عبارة عن كلمة حلوة ف عيد ميلادك
    عن مكالمة
    عن رسالة
    عن هدية من حد انت مش متوقعاه
    عن الحد الي يفتكر عيد ميلادك من غير ما حد يفكره
    عن الي يستني لغاية 12 وثانية عشان يقولك كل سنة وانت طيبة
    عن الاهتمام
    مش من حد بس لالالالا
    من ناس كتير
    وهي دي وروود الحب الي بنستناها
    بتمني لك عيد ميلاد سعيد
    يلا مش عايزين لكاعة كلي التورتة ويلا ع التدوين
    وحشتينا بجد

    ReplyDelete
    Replies
    1. تصدقي انك أقنعتيني :) بجد
      ربنا يسعدك ويبعتلك اللي يجيبلك الهدية من غير ما تطلبيها يارب عاجلاً السنة ديه
      خديها من عبد الله واتكلي على الله

      Delete
  5. بغض النظر عن أي شيء .. برضه كل سنة وانتي طيبة

    Happy new year :-)

    ReplyDelete
    Replies
    1. وحضرتك طيب وبخير يارب

      Delete