يارب
ايوة بكتبلك رسالة لأنى مبقتش عارفة أعمل إيه .. مش إنت قلت للنبي " فأما اليتيم فلا تقهر " طب ليه بتقهرني يارب .. انا سمعت كلامك على قد ما قدرت وسمعت كلام حبيبك برضه على قد ما قدرت .. بس مبقتش عارفة اسمع الكلام تانى خلاص حاسة ان الدعاء زي قلته والصلاة والصوم وكل الالتزامات ديه مبقتش تساعدنى اعيش خلاص .. لجأت للناس اللى بيقولوا انهم عارفينك وبيحبوك مش قادرين يساعدونى .. قلتلى أحب الناس والناس أذونى قلتلى اشتغلى باتقان عشان اباركلك في رزقك وباركت للحرامية وقطعت رزقي .. قلتلي متكدبيش على نفسك ولا على الناس ... علمتنى كل حاجة خلتنى مش عارفة أعيش خلاص .. الدنيا كلها كدب ومصالح وأنانية وبس .. خلاص مبقتش عارفة أعيش في دنيتك يوم زيادة .. قلى أعمل ايه .. حتى قرار إنى أجيلك حرمته عليا طب أعمل ايه ؟؟!! بجد مبقتش عارفة انت عايز منى ايه عايز تكفرني وتقولى روحي النار في الآخر طب ما اروحها من دلوقتى عايز تقولى ان دموعي ليل نهار رحمة ؟ مبقتش قادرة أستحمل دموعي .. قلى بس عايز منى ايه ؟ قلى ازاي أعيش ازاي أكمل أنا مبقتش عارفة
أنا مبقتش عارفة صدقنى صدقنى
