اسبوع التدوين عن الممنوع :) .. احترت ماذا أختار سأكتب قائمة بالممنوعات التي قابلتني
ممنوع تعلى صوتك .. ممنوع تضحكى .. ممنوع ترقصى ... ممنوع طبعا تجربي مخدرات سجاير خمور ... ممنوع تحبى حد وتخرجي معاه ... ممنوع تلبسي قصير قوي ... ممنوع تسافري بره مصر لوحدك ... ممنوع تردى على المدرس والمدير والأم ... ممنوع تناقشي احكام القضاء حتى لو ظالمة ... ممنوع تناقشي قضا ربنا عليك وتقوليله ليه يارب عملت فيا كده مع انى التزمت بباقي الممنوعات ... ممنوع تعيشي لوحدك ... ممنوع تلزقى صور على حيطان الاودة بتاعتك ... ممنوع تحطي بارفان حرام ... ممنوع تنزلى البحر بمايوه ... ممنوع تخرجي بليل قوي ... ممنوع تتكلمى في حضرة الرجال حتى لو اغبياء وتقولى راي سديد ... ممنوع تكوني أذكى ممن هو أكبر سناً ... ممنوع تعدل على حد كبير حتى لو مش فاهم حاجة ... ممنوع تشتمى حتى لو عندك حق عشان انت ست ... ممنوع تعيشي من الآخر .
أهم ممنوع مضايقني الأيام ديه ... ممنوع تنتحري أو حتى تفكري في الانتحار أو حتى تتكلمى عنه وتناقشي الفكرة عشان تموتيها
طول محنا مبناقش الافكار ديه حتفضل تتضخم جوة دماغنا وفي الآخر حنفذها لكن يمكن لو ناقشناها نقدر نموتها ونقضي عليها ..اول ما فكرت احط صورة وبحثت عن صور الانتحار بعد ما كانت فكرة مقبولة عندي اضايقت قوى من الصور ..كمان بفكر في اللي حواليا حتى لو مش بحبهم بس مثلا لو انتحرت بالكاتر البيت حيبقى عايز تنضيف مين حينضفه ... ولو نطيت من فوق كوبري استانلى مبحبش الموت غرقاً .. ولو من فوق عمارة عالية شكلى حيتشوه .. ولو حادثة عربية حجيب مصيبة للسواق ...الحل زي الفيلم الدواء فيه سم قاتل :) طيب حجيب دوا ايه اللي ممكن يقتل ؟ ..
المشكلة الرئيسية اني حموت كافرة ... طب وانا ايه دلوقتي ؟؟؟
ليه وصلتنى لكده ليه انا اجتهدت طول حياتى اسمع كلامك في كل الممنوعات كل حاجة طب وبعدين ؟
فيه حاجات متتقالش بس انت عارفها مش انت قلت لا تكلف نفس الا وسعها ... طب لو عايزني اكفر كنت استمتعت في حياتى بكل المحظورات مش احرم نفسي من كل حاجة وفي الآخر تكفرني وتقولى روحي النار ...
ممنوع اغلط ممنوع اتناقش ممنوع ااقوله ليه ممنوع حتى ااقوله كفاية كده مش عايزة اعيش
حتى الموت ممنوع زي ما الحياة كانت ممنوعة
ممنوع التعليق
